Ein skodespelar går gjennom ei radikal endring og endar opp med å spele rolla som seg sjølv. Dette er ein mørk komedie og ein satire over eit samfunn som likestiller skjønnheit med eit godt liv. Edward (Sebastian Stan) har nevrofibromatose, ei liding som i hans tilfelle har ført til store utposingar i ansiktet. Han er veldig sjølvbevisst på utsjånaden sin, og mistar motet når den vakre forfattaren Ingrid (Renate Reinsve) avviser han. Han får tilbod om ein eksperimentell kur, og kan endeleg møte verda som ei ny og kjekk utgåve av seg sjølv. Men alt blir komplisert når Oswald, som også har nevrofibromatose, kjem seilande inn i livet hans – og inn i Ingrid sitt liv. Oswald er vittig og karismatisk, tilsynelatande upåverka av utsjånaden. Han er ein som gjer alt det Edward drøymer om å gjere. A Different Man er eit psykologisk portrett av ein mann som er prega av kompleks, den handlar om å frigjere seg, om å vere seg sjølv uavhengig om ein lever opp til skjønnhetsideala i samfunnet eller ikkje. Filmen er herleg innfløkt, den handlar om livet, om teater, og om korleis nokon kan snike seg inn og ta rolla du er fødd til å spele fordi du helst ville vore ein annan. Filmen er morosam og smertefull, og i botnen ligg ein sviande ironi.