Herøy kulturskule inviterer til den stemningsfulle adventskonserten JuleMix 2024 på Herøy kulturhus, Laurdag 23. november kl. 16:00.

JuleMix er ein konsert der elevar frå kulturskulen får vise fram det dei har øvd på i fleire månader. Publikum kan glede seg til mange flotte opplevingar med kjempeflinke og kanskje litt spente born og unge.

Denne konserten markerer starten på adventstida, og vi vil pynte scena for å skape ei koseleg stund i Festsalen med fin julestemning.

Herøy kulturskule gir born og unge i Herøy moglegheita til å utvikle seg innan kreative fag, og  gjennom året får elevane opplæring i musikk, dans og visuell kunst.  JuleMix er ein flott arena til å vise fram noko av det dei har lært.

Herøy kulturskule er 50 år i 2024, og sidan oppstarten i 1974 har skulen hatt veldig stor betydning for oppvekstmiljøet til særs mange born og unge. Ta deg ein tur og kjenn på gleda over at vi har ein eigen skule for kulturopplevingar i Herøy. Vi ser fram til å dele denne spesielle kvelden med dykk!