1

Ina & Ørjan Show luktar på julegløggen

Ina Breivik og Ørjan Liavåg er to av dei ypperste og mest meritterte komikarane på Vestlandet

Dei har no slått seg saman i «Ina & Ørjan Show». I forbindelse med førjulstida, krydrar dei to framsyninga med sine kombinerte skråblikk på førjulstid og julefeiring. Ein skal heller ikkje se bort frå at dei lirer av seg ein julesong eller to.

Ina er mest kjend for sin karakter Margot, den frittalande Ålesundsfrua på godt og vel 80 år, som har vore stjerne i tre soloshow, og har gjort fleire opptredenar på NRK TV.
Ina har også vore svært delaktig i flere oppsetningar med den suksessrike humortrioen S, M, XL.

Ørjan hugsar dei fleste som Leif-Per Moltubakk, med sine «steikje fine gardiner». Han har også samarbeidt med Marit Voldsæter, Fredrik Steen, Christine Hope, Ørjan Burøe, Dagfinn Lyngbø, Thomas Ryste og mange fleire. Mange har nok fått med seg Ørjan sin parodi på Kjetil Rekdal, samt den ørkesløst morsomme «Sverigeturen» på Youtube.

Ina og Ørjan stod på scena saman for første gong i suksessen «Margot får besøk» frå 2012.
Framsyninga «Ina & Ørjan Show» er ei herleg blanding av utvalde reprisar frå begge sin scenekarriere, og heilt nye nummer og karakterar.

Her er det gode sjansar for at showet endrar seg frå gong til gong, i ei herlig blanding av standup, musikk og karakterar som Margot, Jannen, Jann Leite og fleire andre. Publikum kan verkeleg forvente seg litt av ein julestrømpe av ei framsyning, full av humoristisk snacks og godteri i den travle førjulstida

Billettar til Ina & Ørjan Show luktar på julegløggen

Vis hele programmet
_
_
_