1

Julekalender med Bergsøy Blandakor

Bergsøy blandakor pakkar ut sin julekalender på Fosnavåg konserthus

Bergsøy Blandakor har tradisjon for å arrangere eigen julekonsert i Ytre Herøy kyrkje, ofte ilag med ein gjest eller to. Dette har vore fine konsertar. No ynskjer derimot koret å gjere noko nytt i år.
Søndag 15. desember opnar koret julekalenderen sin, og bak kvar av dei 24 lukene vil publikum finne eit blanda og variert repertoar. Dette vert ein annleis konsert enn det koret tradisjonelt har gjort. Musikken vil variere frå det kjende og kjære tradisjonelle julerepertoaret, nye arrangement av kjende julesongar, og nyare musikk av både norske og europeiske komponistar og tekstforfattarar, samt ei lita dose med amerikansk julemusikk.

Koret vil få tonefylgje av pianist og bassist, og det heile er under leiing av koret sin svært dyktige dirigent Morten Bollerud. Det er berre å gle seg til lukene skal opnast i den musikalske julekalenderen denne søndagskvelden i adventstida.

_
_
_