Herøy kulturskule og over 70 elevar vil ta deg med på ei musikalsk reise med både moderne låtar, gamle klassikarar og nokre norske favorittar. Songlærar Birgitte har laga kule videoar til nokre av songane og musikken som elevane skal framføre. Dette blir kjempefint på det store lerretet i konsertsalen.

Det blir også mange elevar som dansar og spelar instrument, og det blir fleire flotte innslag saman. Elevane og lærarane har jobba lenge med dette programmet, og mange av songane er øvd inn med fleire stemmer og harmoniar.

Vi gler oss til å vise dette til publikum på den flotte scena i Fosnavåg konserthus, laurdag 10. mai kl. 19:00. Torgrim Skjerdal har ansvar for lyd og lys. Det blir mange høgdepunkt, og du er hjarteleg velkomen til å oppleve dette med elevar frå Herøy kulturskule.

Billett kr. 200,- for vaksne og kr. 50,- for born og ungdom under 18 år.